Iroqda o‘tkinchi odam 2015-yil noyabrida radioaktiv moddalar omboridan yo‘qolgan konteynerni topib oldi. Bu haqda Reuters agentligiga tayanib, Meduza xabar qilmoqda.
Tabiatni muhofaza qilish boshqarmasi vakilining so‘zlariga ko‘ra, keys Az-Zubayr shahridagi yoqilg‘i quyish stansiyasi yaqinidan topilgan. Uning bu yerda qanday qilib paydo bo‘lib qolgani noma’lum. Konteyner topilgan joy u yo‘qolgan ombordan 15 kilometr uzoqlikda joylashgan.
Tabiatni muhofaza qilish boshqarmasi vakili konteynerga zarar yetmaganini ma’lum qildi. Radioaktiv zaharlanish xavfi yo‘q.
Keysda 10 gramm iridiy-192 moddasi bo‘lgan. Namuna ekspertiza va sertifikatsiyalash bilan shug‘ullanuvchi Turkiyaning SGS kompaniyasi bo‘linmasiga tegishli bo‘lgan hamda neft va gaz jihozlarini yetkazib beruvchi Weatherford kompaniyasining Basradagi omborida saqlangan.
Maxsus xizmatlar ushbu moddaning IShID jangarilari qo‘liga tushib qolishi mumkinligidan xavfsirayotgandi.
