Iroq armiyasi Ar-Ramadiy shahridan sharqda terrorchilar hujumini qaytardi va IShIDning 46 nafar jangarisini yo‘q qildi. Bu haqda mahalliy harbiy qo‘mondonlik rahbari Ismoil al-Mahlauiy ma’lum qildi, deya xabar beradi “RIA Novosti”.
“IShID guruhi Ar-Ramadiy sharqidagi al-Hamidiya tumani shossesida o‘ninchi brigada bazasiga hujum uyushtirdi. Brigada kuchlari xalqaro koalitsiya aviatsiyasi ko‘magida hujumni qaytardi va 46 nafar jangarini o‘ldirdi”, — deya ma’lum qilgan al-Mahlauiy.
Ma’lumotlarga ko‘ra, hujum uyushtirilgan tuman oldinroq terrorchilardan qaytarib olingan. Harbiylar shosseda ham nazorat o‘rnatgan.
IShID ekstremistik guruhi jahonning bir qator mamlakatlari, shuningdek, xalqaro tashkilotlar tomonidan “terrorchilik tashkiloti” deb topilgan.
