Twitter asoschisi Jek Dorsi shu kunlarda kompaniyaning yangi bosh direktori sifatida rasman e'lon qilinadi. Bu haqda o'z manbasiga asoslanib, Recode xabar bergan.
Dorsi keyingi 3 oy davomida kompaniyada vaqtincha bosh direktor sifatida ishlab kelayotgandi. U shu bilan birgalikda Square xizmatini ham boshqarishda davom etadi.
Shu yilning iyunida Twitter ijtimoiy tarmog'i bosh direktori Dik Kostolo iste'foga chiqishga qaror qilgandi.
Recode nashrida yozilishicha, kompaniya yangi yo'nalishlarda ishlash zaruratiga duch kelgan. Avgust oyi natijalariga ko'ra, kompaniyaning daromadlari eng past ko'rsatkichlarni ko'rsatgan.
Twitter va Square tomonidan bu ma'lumotga izoh berilmagan.
