Twitter asoschilaridan biri Jek Dorsi kompaniyaning ijrochi direktorligiga tayinlandi, deya xabar bermoqda Meduza.
Dorsi Twitter rahbari vazifasini vaqtincha bajaruvchi lavozimida 2015-yil 1-iyuldan ishlagan. Oktabr boshida Twitter direktorlar kengashi Dorsini doimiy ijrochi direktor etib tayinlashga qaror qilgani ma’lum bo‘ldi, biroq yakuniy qaror 5-oktabrdagina chiqarildi.
Shu bilan birga, Dorsi o‘zining boshqa kompaniyasi — Square mobil to‘lovlar xizmati rahbari bo‘lib qoladi. Avvalroq Twitter va Square manfaatlarining zid kelishi ehtimoli Dorsining mikrobloglar servisi rahbari lavozimini qaytadan egallay olmasligiga asosiy sabablardan biri sifatida keltirilgan edi.
Jek Dorsi Twitter’ni u 2006-yilda yaratilganidan boshlab 2008-yilgacha boshqargan edi.
