Bryusseldagi uchta portlash oqibatida qurbon bo‘lganlar soni 34 kishiga yetdi. Bu haqda VRT mahalliy telekanali ma’lumotiga tayanib, “TASS” xabar beradi.
Telekanalning ma’lum qilishicha, metrodagi portlash natijasida 20 kishi halok bo‘lgan, yana 14 kishi aeroportdagi ikki portlashning qurboniga aylangan.
Politsiya va tergovchilar har ikkala portlash hududidagi faoliyatini davom ettirmoqda. Qurbonlar va jabrlanganlarning soni yana ortishi mumkinligi ta’kidlanmoqda. Chunki portlash yuz bergan joylardagi vayronalar ostida qolib ketgan odamlar hali ham bor.
Eslatib o‘tamiz, avvalroq Belgiya politsiyasi xodimlari 22-mart, seshanba kuni Bryusselda amalga oshirilgan bir qator teraktlarga aloqador ikki gumondorni hibsga olganligi ma'lum qilingan edi.
Manba
