Uz-Dong Yang Co. O'zbekiston-Koreya qo'shma korxonasi negizida GM Uzbekistan korporatsiyasi tomonidan ishlab chiqarilishi yo'lga qo'yilishi aytilayotgan Chevrolet Aveo avtomashinalari uchun detallar va butlovchi qismlar ishlab chiqarish tashkil etiladi. Bu haqda “Pravda Vostoka” gazetasi yozmoqda.
Ilgariroq kompaniya Andijonda yangi korxona ochib, Nexia-150 uchun butlovchi qismlar ishlab chiqarishni yo'lga qo'ygan edi. Bundan tashqari, kompaniya tikuvchilik, termoplast-avtomat ishlab chiqarish singari sohalar bilan shug'ullanib keldi.
Yaqin kelajakda kompaniya T-250 (Aveo) mashinalari uchun detallar hamda MAN avtomobillari uchun butlovchi qismlar, bundan tashqari, interer uchun zarur bo'lgan to'qqiz turdagi detallar ishlab chiqarishni yo'lga qo'yishni rejalashtirmoqda. Yaqinda kompaniya 1.2 mln dollarlik investitsiyalar hisobiga kerakli asbob-uskunani sotib oladi.
