Toshkent shahridaig Abay ko‘chasida joylashgan Korzinka.uz supermarketi yaqinida Nexia rusumli avtomobil ikki kishini urib ketdi. Bu haqda Facebook’dagi “Voditeli Tashkenta” guruhi a’zolari ma’lum qilgan.
Qayd etilishicha, Nexia piyodalar o‘tish yo‘lagidan o‘tayotgan bir erkak va bir ayolni urib ketgan, ular mashina ustidan oshib tushgan. Shundan keyin ham mashina 15 metrgacha to‘xtamagan.
Oq rangdagi Lacetti haydovchisi jabrlanuvchilarni shifoxonaga olib ketgani ma’lum qilingan. To‘planganlar Nexia haydovchisi bilan ushbu harakati uchun janjallasha boshlaganda YPX xodimlari yetib kelgan. Foydalanuvchilarning qayd etishicha, ushbu hududda svetoforlar yaxshi ishlamaydi, shuningdek, piyodalar qizil chiroqqa yurgan bo‘lishi ham mumkin.
