Toshkentdagi “Lokomotiv” stadionida OChL–2016 musobaqasining “A” guruhi 1-turidan o‘rin olgan O‘zbekistonning “Lokomotiv” va Saudiya Arabistonining “Al-Ittihod” klublari o‘rtasidagi uchrashuv o‘z nihoyasiga yetdi. Unda 1:1 hisobi qayd etildi, deya xabar beradi “Uff.uz”.
Uchrashuvning 34-daqiqasida mehmonlar a’zosi Rivas hisobni ochgan bo‘lsa, 89-daqiqada Sardor Mirzayev hisobni tenglashtirib, “temiryo‘lchilar”ni mag‘lubiyatdan qutqarib qoldi.
Qayd etish kerakki, o‘yinning 90-daqiqasida mezbonlar yarim himoyachisi Jasur Hasanov va “Al-Ittihod” a’zosi Fahad Al-Muvallad qizil kartochka olib, maydondan chetlatildi.
“A” guruhining 1-turidagi ikkinchi o‘yinda Eronning “Sepaxon” jamoasi BAAning “An-Nasr” klubiga qarshi bahs olib boradi. Mazkur uchrashuv bugun, 23-fevral kuni Toshkent vaqti bilan 20:00 da start oladi.
OChL – 2016. “A” guruhi, 1-tur
“Lokomotiv” (O‘zbekiston) — “Al-Ittihod” (Saudiya Arabistoni) — 1:1 (0:1)
Gollar: Mirzayev (89) — Rivas (34).
“Lokomotiv”: Ignatiy Nesterov, Nemanya Yanichich, Islom To‘xtaxo‘jayev, Sherzod Fayziyev, Oleg Zoteyev, Sardor Mirzayev, Kaxi Maxaradze, Server Jeparov, Temur Kapadze, Sanjar Shoahmedov, Temurxo‘ja Abduxoliqov.
“Al-Ittihod”: Al-Qarni, Salli Muntari, Faxd Al-Muvallad, Rivas, Abdulfattoh, Ahmad Asiriy, Bajandu, Al-Yami, Luchian Sammartin, As-Sahafi, Al-Haybari.
Chetlatishlar: Jasur Hasanov (90), Faxd Al-Muvallad (90).
