Eng yirik aloqa operatori “Beeline” har bir amaliyotchi uchun belgilangan shaxsiy rejalar asosida “Uchinchi avlod-2015” dasturi g‘oliblarining amaliyoti boshlangani haqida xabar beradi.
“Ishonamiz, kompaniyadagi mazkur ish kuni amaliyotchilarimizning eslarida qoladi, chunki kun “Unitel”ning bosh direktori Vladimir Petrov bilan norasmiy uchrashuvdan boshlandi, va yosh mutaxassislar shaxsan rahbarning o‘ziga qiziqtirgan savollarini berishlari mumkin edi. Keyinroq esa ular amaliyot o‘taydigan barcha bo‘lim rahbarlari bilan uchrashuv bo‘lib o‘tdi. Har bir amaliyotchi amaliyot chog‘idagi shaxsiy rivojlanish rejasini oldi va o‘zi uchun muhim bo‘lgan savollarga javob topdi. Abonentlarga qayta aloqani ta’minlovchi yuzlab “Beeline” xodimlari faoliyat yuritayotgan call-markaziga tashrif mazkur kunning yana bir voqeasiga aylandi”, - voqeani sharhladi “Unitel”ning matbuot kotibi Rezida Erdman.
Bu yili tijorat, texnik, axborot texnologiyalari, yuridik xizmati, jamoa bilan ishlash va tashkiliy rivojlanish bo‘yicha bo‘limlariga amaliyotchilar qabul qilindi. Amaliyotchilar yoz so‘ngiga qadar to‘la bandlikda ishlaydilar. Birinchi bosqich natijalariga ko‘ra eng muvaffaqiyatli talabalar tanlab olinadi va ular kompaniyada bu yilning sentyabr oyidan 2016 yilning iyun oyigacha, ham ishlab, ham o’qish imkoniyatini ta’minlagan holda, mahsus moslashtirilgan grafik bo‘yicha ishlashni davom ettiradilar.
