Turkiyaning “Galatasaroy” futbol klubi moliyaviy feyr-pley qoidalariga amal qilmaganligi uchun Yevropa futbol ittifoqi (UEFA) tomonidan bir mavsumga yevrokubok bahslaridan mahrum qilindi , deb xabar beradi “Chempionat”.
Ushbu jazo klub keyingi ikki (2016/17 va 2017/18) mavsumdan birontasida yevrokuboklar yo‘llanmasini qo‘lga kiritsa, kuchga kiradi.
Ayni damda “Galatasaroy” jamoasi Turkiya Superligasida beshinchi pog‘onani egallab turibdi. Ushbu o‘rin klubga Yevropa Ligasida ishtirok etish imkonini beradi. Shuningdek, jamoa mamlakat Kubogi orqali Yevropa Ligasi yo‘llanmasini qo‘lga kiritishi mumkin. YeChL yo‘llanma beradigan ikkinchi o‘rindan “Galatasaroy”ni 11 ochko ajratib turibdi.
“Galatasaroy” jamoasi UEFAning mazkur qarori ustidan apellyatsiya berish huquqiga ega.
