Samsung kompaniyasi tez orada Tizen operatsion tizimi asosida ishlaydigan NX500 fotoapparatini ishlab chiqarmoqchi. Xabar qilinishicha, ushbu uskuna 28 megapikselli BSI APS-C-sensor hamda 3 dyuymli FVGA Super AMOLED-displeyga ega bo'ladi. Bundan tashqari, apparatga Wi-Fi, NFC va Bluetooth modullari o'rnatiladi.
Ushbu fotoapparat qachondan magazinlarda paydo bo'lishi va uning narxi qanaqa bo'linishi haqida hozircha ma'lumot yo'q. Faqatgina uning qora, oq va jigarrang variantlari bo'lishi aytildi.
Samsung kompaniyasi Android’da ishlaydigan uskunalarni ishlab chiqaribgina qolmay, balki Tizen nomli o'z operativ tizimiga ham ega. Bu OT kompaniya ishlab chiqaradigan smartfonlar, fotoapparatlar va televizorlarga o'rnatiladi.
