Fijidagi “Uinston” sikloni qurbonlari soni 36 kishiga yetdi. Bu haqda Favqulodda vaziyatlar milliy markazi ma’lumotiga tayanib, “TASS” xabar beradi.
Mutaxassislarning ma’lum qilishicha, “Uinston” sikloni Fiji meteokuzatishlari tarixidagi eng vayronkor siklon sifatida qayd etilgan. Uning epimarkazida shamolning tezligi soatiga 230 kilometrga yetgan. Siklonga xavflilikning eng yuqori, beshinchi darajasi berilgan.
Oxirgi ma’lumotlarga qaraganda, 13 mingdan ortiq aholi boshpanasiz qolgan va vaqtinchalik boshpana va evakuatsiya markazlarida yashamoqda.
Eslatib o‘tamiz, ushbu siklon oqibatida halok bo‘lganlar soni 29 kishiga yetganligi haqida ma’lum qilingan edi.
