O‘zbekistonda Android operatsion tizimida ishlaydigan birinchi Nokia telefoni sotuvga chiqdi. Nokia X 6-martdan buyon Toshkentning “Fleshka” savdo majmuasida sotilmoqda. Bu haqda Mobinfo.uz xabar berdi.
Nokia X ikki yadroli Qualcomm Snapdragon S4 protsessori, 4 dyuymli IPS-displey va 2048×1536 px o‘lchamdagi suratlarni olish mumkin bo‘lgan 3 megapikselli kamera bilan jihozlangan.
Akkumulyator quvvati soatiga 1500 megaamper bo‘lib, u qurilmaning kutish rejimida 408 soat va suhbatlashish rejimida 13,5 soat ishlay olishini ta’minlaydi.
Telefon Wi-Fi, stereo Bluetooth, USB-portdan tashqari, GPS-priyomnikka ham ega.
Nokia X’ga bir vaqtning o‘zida ikkita SIM-kartani o‘rnatish mumkin.
Poytaxtning “Fleshka” majmuasida telefonni 415 ming so‘mga xarid qilish mumkin.
