“Volvo” kompaniyasi o'z avtomobillarini internet orqali sotishni boshlaydi. Bu haqda avtokorxonaning matbuot xizmati tomonidan chop etilgan yangi marketing rejasida aytib o'tilgan .
“Volvo” kompaniyasi avtomobillarni internet orqali sotish bo'yicha ilk tajribasini sentyabr oyida XC90ning yangi avlod turidagi avtomobil taqdimotidan keyin o'tkazgan edi.
Bu yo'ltanlamas mashinaning modifikatsiyalangan yangi maxsus “First Edition” deb ataluvchi rusumidagi avtomobillarning barcha 1927ta nusxasi ikki kun ichida sotib bo'lingan edi.
“Volvo”ning savdo bo'limi vitse-prezidenti Alen Visserning so'zlaricha, kompaniya ishlab chiqarilayotgan barcha rusumdagi mashinalarning barcha bozorlarda onlayn-savdosini amalga oshirishni rejalashtirmoqda.
Bu yangi xizmat turi kompaniyaning dilerlik tarmog'idagi mavjud do'konlarga qulay qo'shimcha bo'lishi kerak, deb hisoblaydilar shvetsiyalik avtomobil ishlab chiqaruvchilar.
