Toshkentdagi Sergeli avtomobil bozori yaqinidagi Lada Uzbekistan kompaniyasiga tegishli avtosalonda 12-mart, shanba kuni “AvtoVAZ”ning yangi mahsuloti — Lada Vesta sedanining rasmiy taqdimoti bo‘lib o‘tdi. Bu haqda Facebook’dagi “Voditeli Tashkenta” guruhida va Lada Uzbekistan’ning Facebook’dagi sahifasida xabarlar qoldirilgan.
Lada Vesta’ning Rossiyadagi savdolari 2015-yil noyabridan boshlangan edi. Lada avtomobillarining O‘zbekistondagi rasmiy importchisi hisoblangan Lada Uzbekistan kompaniyasi yangi modelning O‘zbekistondagi rasmiy sotuvi fevral oyi oxiri — mart oyi boshidan boshlanishini avvalroq “Daryo”ga ma'lum qilingandi. Uzatmalar qutisining turi va komplektaksiyasiga qarab Lada Vesta avtomobillari O‘zbekistonda 10,3 ming AQSh dollaridan 11,6 ming AQSh dollarigacha bo‘lgan narxlarda sotiladi. O‘zbekistonga dastlabki davrda olti xil komplektatsiyadagi Vesta’lar yetkazib beriladi.
Manba
