Facebook ijtimoiy tarmog‘i o‘tgan yilning boshida taqdim etilgan yangiliklar tasmasining ko‘rinishini yangilamoqchi, deya xabar bermoqda Look At Me nashri.
2013-yilning martida taqdim etilgan yangiliklar tasmasi mobil dasturni eslatsa, yangi versiya anchayin oddiy bo‘lib, suratlar yiriklashgan va chap ustun soddalashgan. Facebook vakillarining ta’kidlashicha, yozuv shrifti ham o‘zgargan (Windows OTda asosiy matn uchun Arial, OSXda esa Helvetica, tashqi linklar uchun Georgia). Bundan tashqari, yangilangan news feed kichik ekranlar uchun mos keladi.
2013-yilning martida taqdim etilgan yangiliklar tasmasi. Foto: Look At Me
TechCrunch xabariga ko‘ra, Facebook 2014-yil 6-martdan yangilashlarni asta-sekin joriy eta boshladi. Yangi ko‘rinishdagi yangiliklar tasmasi dunyo bo‘ylab bir necha hafta ichida kuchga kiradi.